تستقبل فودافون كاش وإنستاباي على متجرك إزاي؟

كتير من التجار بيستقبلوا فودافون كاش بالطريقة القديمة: العميل يحوّل، يبعت سكرين شوت على الواتساب، وانت تدوّر عليها وسط مية رسالة عشان تطابقها مع الأوردر. نُمُو بيحط الخطوة دي جوه الشيك أوت.

المحافظات اللي تقدر تستقبلها

فودافون كاش، وWE Pay، وأورنج كاش، وإنستاباي، والتحويل البنكي. بتحط رقم المحفظة أو بيانات الحساب في الإعدادات، والعميل بيشوفها وهو بيطلب.

العميل بيعمل إيه

بيختار طريقة الدفع، بيحوّل، وبيرفع صورة الإيصال في نفس الصفحة. الإيصال بيتربط بالأوردر لوحده، فانت بتشوفه جنب الأوردر وتأكد الدفع بضغطة.

ولو عايز الدفع يتأكد لوحده؟

لو عايز المحفظة تتدفع من غير تأكيد يدوي، اربط Paymob: بيقبل الكروت والمحافظ ومنها فودافون كاش، وبيقبل ValU كمان. وفوري بيدّي العميل كود يدفع بيه من أي منفذ.

المحافظ والعربون

المحافظ وإنستاباي كمان طريقة سهلة لعربون أوردر الدفع عند الاستلام: العميل يدفع مبلغ صغير مقدّم، والأوردر يتأكد. ده بيقلّل الأوردرات اللي بترجع من غير ما تقفل الكاش.

ابدأ بإيه

لو بتبدأ: حط رقم فودافون كاش وإنستاباي، وسيب الدفع عند الاستلام شغّال. لما الأوردرات تكبر ووقت التأكيد اليدوي يبقى عبء، اربط بوابة دفع.