من اسمك.numueg.app لدومينك الخاص في دقايق

كل متجر على نُمُو بيبدأ بعنوان جاهز على numueg.app، وده كفاية تبدأ بيه. بس لما البراند يكبر، العميل بيثق أكتر في عنوان باسمك، والإعلانات والإيميلات بتبان أحسن.

الربط بيتعمل إزاي

بتضيف الدومين في إعدادات المتجر، وبتعمل سجل CNAME واحد عند الشركة اللي شاري منها الدومين. أول ما السجل يشتغل، الشهادة (HTTPS) بتتعمل لوحدها — مش محتاج تشتري شهادة ولا تركّب حاجة.

مين عامل كده؟

متاجر شغّالة على نُمُو بدومينها الخاص فعلًا، زي Vionne على vionneeg.com وPixel Print على pixelprinteg.com. تقدر تدخلها وتشوف بنفسك.

حاجات خد بالك منها

اشتري الدومين من شركة معروفة وخلّي التجديد تلقائي — دومين خلص تجديده معناه متجر واقف. ولو بتغيّر العنوان بعد ما بقالك فترة شغّال، العنوان القديم بيفضل شغّال، فالعملاء القدام مش هيتوهوا.