الدفع عند الاستلام في مصر: ليه لسه هو الملك، وإزاي تقلّل المرتجعات

لو بتبيع أونلاين في مصر، إنت عارف المشهد ده: أوردر جديد، تجهّزه، تشحنه، والمندوب يرجع بيه عشان العميل "مش موجود" أو "غيّر رأيه". الشحنة راحت وجت، ومصاريف الشحن عليك.

ليه الدفع عند الاستلام مش هيختفي

العميل المصري عايز يشوف الحاجة الأول. الثقة في الدفع أونلاين بتزيد، بس لسه أغلب الناس بتختار الكاش لما يكون قدامها. لو قفلت الدفع عند الاستلام، إنت كده بتقفل الباب في وش جزء كبير من عملاءك.

يبقى السؤال الصح مش "أقفل الكاش ولا لأ"، السؤال: أشحن لمين وأنا مرتاح، وأطلب عربون من مين؟

خمس حاجات بتقلّل المرتجعات فعلًا

أولًا، أكّد الأوردر قبل ما تشحن. رسالة واتساب قصيرة فيها المنتج والإجمالي والعنوان بتفرز العميل الجد من اللي كان بيتفرج. في نُمُو رسالة التأكيد بتروح لوحدها أول ما الأوردر يوصل.

ثانيًا، اعرض سعر الشحن الحقيقي قبل ما العميل يأكد. المفاجأة في المصاريف عند الباب من أكتر أسباب الرفض. حدّد أسعارك حسب المحافظة، والعميل يشوفها في الشيك أوت.

ثالثًا، بص على إشارة الريسك قبل الشحن. شبكة الثقة في نُمُو (Trust Network) بتبص على سجل رقم الموبايل عبر المتاجر، وبتديك إشارة: الأوردر ده مريح ولا يستاهل نظرة تانية. القرار في الآخر قرارك.

رابعًا، اطلب عربون من الأوردرات اللي فيها ريسك. بدل ما ترفض الأوردر، اطلب مبلغ صغير مقدّم بمحفظة أو إنستاباي أو كارت. العميل الجد بيدفع، واللي مش جد بيبان.

خامسًا، حسّن الشحن نفسه: وقت أقصر بين الأوردر والشحن، ورقم تتبّع يوصل للعميل. كل يوم تأخير بيدّي فرصة للعميل يغيّر رأيه.

احسبها صح

قبل ما تقرر، احسب تكلفة الأوردر اللي بيرجع: شحن رايح وجاي، تغليف، ووقت. حاسبة تكلفة الدفع عند الاستلام المجانية على نُمُو بتوريك نسبة المرتجعات اللي بتبدأ تخسر عندها.

الخلاصة: الكاش هيفضل موجود، والتاجر الشاطر هو اللي بيشحن وهو عارف مين قدامه.